Assartuineq pillugu naatsorsuinermi tunngaviit

Kalaallit Nunaata nioqqutissanik eqqussuinera avammullu niuernera periutsit marluk, CIF aamma FOB, atorlugit naatsorsorneqarpoq. Taaguutit taakku nioqqutissamik assartuinermi aningaasartuutit assigiinngitsut matuneqarnissaannut piumasaqaatit assigiinngitsut, taakku malittuani nassuiarneqarput:

 

Nunanut allanut niuernerup pingaarutaa tamanut nalunaarutigineqassaaq kisitsisitigut paasissutissatut pingaaruteqartutut. Nioqqutissanik eqqussuineq pigaanni, tassani pineqarpoq nioqqutissap nalinga nunatta killeqarfiani imaluunniit umiarsualivimmi kiffartuussinermi aningaasartuutit ilaanngullugit, nioqqutissap nunatta killeqarfianut pissunneqarneranut, assartuinermi sillimmasiinermilu aningaasartuutit assigalugit. Naleq tamanna taaneqartarpoq cif-p nalinga (cost, insurance and freight).

 

Avammut niuerneq pineqarpat taava aamma nioqqutissap nunatsinnit annissiffianit nalinga pineqarpoq, nioqqutissap nioqqutilimmit nunatta killeqarfianiit imaluunniit umiarsualivimmiit avammut nassiunneqarfianiit aningaasartuutit ilanngullugit. Naleq tamanna taaneqartarpoq fob-p nalinga (free on board).